قالها ابن الذيب من هاجوس باله

كلمة يلعب بها والبال زيني

قالها يومه طرى له ما صرى له

من هواجيس تشيب المرضعيني

غرني بعض الرجال بكثر ماله

ما درى ان الموت في حبل الوتيني

كيف ينفعني وبعض الناس خاله

وما يقوم البيت دام الساس طيني

ناس وين اللي عوايده الشكاله

مثل ابن ظافر حمد ذرب اليميني

الثناء والجود دايم في خياله

علمه ظافر سلوم الطيبيني

جود العليا وقضبها عياله

وادركوا من علمته دنيا وديني

واهني من باع حظه واشترى له

سار في درب النبي أخزى اللعيني

موقفه ما كل رجالٍ يناله

من بغى ممشاه يقعد مرتيني

وكم ذبح من حايل من حر ماله

وعادته لطمة خشوم العايليني

حالف ما أخذ من الطرقي رياله

وبثلاث محرم انها ما تجيني

لا لقيت اللي على السكه لحاله

يلتفت ويقول وين المستحيني

أوقف الموتر حيا وأبغي الجماله

يوم ولد اللأش وجهه ما يليني

الطمع في كروة الرجلي رذاله

خص به وان جا مجال الغانميني

والردي في حالة ما هيب حاله

يا عوينه من كلام الطيبيني

والردي كوبان ما يذكر مجاله

ما يعد اللاش مقصور اليميني

أركبه لعيون من زين دلاله

ما تحاكوا في قفاه الرامسيني

ما بغا غيري وانا ما ابغي بداله

قاعدٍ لي بالرجا مدة سنيني

الولد وان طاب قالوا من خواله

من الخوال يسال قبل الوالديني

واشرب الفنجال واكب البياله

تابع سلمي سلوم الاوليني

وما قعدنا في العمل نبغي الرزاله

ناخذ العليا طريق الفايزيني

راشد بن حسن بن الذيب العجمي

صفحة الجزيرة الرئيسية

رأي الجزيرة