الله على اللي يوم يفتل عموده

يظهر ثراء أرض ابعد القيض ماها

الى اونس ثقيل الترس يرخي عضوده

شيهانت ترخي المتون لعشاها

عده على اللي ما يدرهم قعوده

من صار زيزوم المشاكل حماها

ثم قل لبن دهره يحضر شهوده

للرفقه اللي باعها ما شراها

وقت ركض كلبه ونامت فهوده

مما تشوف العين طول عماها

المال سالم والوجيه معبوده

برق التيوس اللي طوال الحاها

الله من عينن الى عسعس الليل

عافت لذيذ النوم ما تهتنيبه

ياوين ابالقا من يحب التعاليل

يبدا بزين القول ولا ابتديبه

خطو الولد يامال قصف التماهيل

يشرح عيوب الناس ما شاف عيبه

يفرح الى شاف المجالس هراميل

ويكره الى شاف المجالس منيبه

ما شوقنه طيبات التماثيل

مع شايبٍ قد بين الوقت شيبه

ما هوب شايب شيبنه غرابيل

عيدا يقفيبه وعيدا يجيبه

انا الذي شفت الوزا يا سماعيل

طاوعت نفسي لين شفت الغليبه

النفس طير والمنايا محابيل

والناس رواي الحديث أتحكيبه

الله من عينا تزايد صلفها

بين كماها بالعروق الصخيفه

كم واحد له حاجة ما صرفها

يصد عن صرافها لا يضيفه

يخاف لا يقضب نديما طرفها

قلبه صداء واطراف جسمه نظيفه

والله خلق بيدا الذلول واعسفها

للي يبا المنهاج مثل القطيفه

والفضل للي مدها ما قصفها

وانهج من الدار المحل للمريفه

وانصحك ياللي غافل ما عرفها

شيبا تشيب ما يحول رديفه

رديفها يركض ويركز هدفها

وقت يقص العظم من حد سيفه

وان جتبك الدنيا وجابك صدفها

لا تعتزي باهل النفوس الضعيفة

وانصحك نفسك لا تسقط شرفها

ترى بعض بيض المجالس مجيفه

شي بقلبي واهجه مستمري

لولا ازرق الدخان يطفي لهيبه

سلط على الدخان لو هو مضري

له حزت عند احتكام المصيبه

وانا الذي ما بدي على الناس سري

من خوف سودان الوجيه اتحكيبه

اصبر على ضيم الدهر والتعري

من شان من يرضي علي الغليبه

ابعد مجالي عن عيال التزري

من لا هوى قلبي دواه المغيبه

اخاف لي من مجلس ما يذري

في جانبه بومٍ حساسه صليبه

سوالف ما بين حكي التقري

يجرح فوادي عيت وابتليبه

والله خلق فالكون ثلثين بري

يسد عن ثلث البحر ويش ليبه

الى نويت الدرب ما نيب اطري

امس للفرجه حبال النجيبه

واقطع سهاسيه الخلا بالتحري

واللي يجيبه والى امري يجيبه

يرضيني المقسوم خير وشري

سبحان من لا تعلم الناس غيبه

احد على ربعه يحب التحري

للشر بلاس وخيره بجيبه

هذاك انا يالربع منه متبري

لو عضني ناب الدهر ما نتخيبه

من خوف يضحكلي وهو يستغري

يفتل حبال السوء ما يندريبه

يفرح علي بكل شر يمري

وانشاف يمي خير عني نهيبه

صفحة الجزيرة الرئيسية

رأي الجزيرة