ليتك تحس بقلبي اللي تمناك |
ليتك تحس بلوعتي يوم حبيت |
اللي دفع قلبي على الحب وياك |
نظرة عيونك يا عيوني إلى جيت |
أرجوك لا تقطع رجا من ترجاك |
يا ما على شانك لك الدمع هليت |
لا تمنع العين الشقيه عطاياك |
متى أشوفك والشقاء منه مليت |
أنت الوحيد اللي بقلبي وذكراك |
تبقى معي لو عني اليوم صديت |
عذبت قلبٍ يسهر الليل واغلاك |
يوم أنت عنه في منامك تهنيت |
تركتني والقلب ما ظن ينساك |
في غيبتك لا نيب حي ولا ميت |
علي بن مدالله المد الله/عنيزة |
|
