شكر أصحاب المعروف واجب، وأنا في هذه القصيدة أتقدم بالشكر الجزيل نيابة عن قبيلة البجايدة من عنزه للموقف الجليل الذي ساهم فيه صاحب السمو الملكي الأمير تركي بن عبدالله بن عبدالعزيز - حفظه الله - في إعتاق رقبة ابننا منصور البجيدي، والشكر موصول للأخ العزيز عايد مناور المضياني على تنازله عن حقه الذي احتسب فيه الأجر عند الله.
|
ساعديني يا حروف الشعر يا أغلى نديم |
من عرفتك تشكرين اللي بوقفاته ولد |
صقر أمسى وسط عرعر يشهد الله العليم |
إن بحضوره تمسّت ديرتي فرح وسعد |
أشهد إنه ما يشابه بالحلايا إلا الزعيم |
ومو غريبه كان صار الشبل من ذاك الأسد |
ذاك عبدالله وذا شبله كريم من كريم |
تركي اللي ما ذخر في موقفه عنّا جهد |
يا يتيم الأبو ما عدّك بهالديره يتيم |
دام من يحكم بلدنا نافعين هالبلد |
نشكرك يا سيدي يا صاحب الشآن العظيم |
الثنى لك يا رفيع الشآن منّا للأبد |
والثنى للمسلم اللي يوم سامحنا حليم |
عايد مناور عسى الله يشكر أفضالك بعد |
من سعى بإحياء نفس يكسب الأجر العميم |
ذا وعد من ربي اللي يوفي بيوم الوعد |
الفرح في عرعر وحايل وبربوع القصيم |
وكلنا نشكر سموه يوم ما وفّر جهد |
فهد عبيد العدواني العنزي |
|
