ياللي تغرّك ضحكتي بعض الأوقات |
أحيان بعض الضحك معناه قوتي |
أوقات تلقاني أحاكيك بسكات |
يوم الكلام يموت داخل سكوتي |
يوم الحناجر تحتضر فيها الآهات |
واعجز عن الشكوى ولو طال صوتي |
حتى الأمل من فرحتي صار يقتات |
وأنا أحسب إنه لاقسى الوقت قوتي |
شف ما بقى لي غير من حلمي شتات |
واقف وأناظر كيف حلمي يفوتي |
مافي يدي حيلة ولا عيني تبات |
واكن عبراتي وأردد قنوتي |
مكابرٍ وأقول هيهات هيهات |
يفرح بي اللي لا درى بي شموتي |
وأنا تراني لاقسى الوقت بالذات |
يزداد مع قسوة زماني ثبوتي |
وياللي تغرك ضحكتي بعض الأوقات |
يغنيك عن بعض المعاني سكوتي |
عبدالله بن غازي |
|
