في رثاء ابن الخال الفقيد/ عبدالله بن شامان بن مشرع الشلوي |
|
الله من قلب عنا الكود ضده |
إن قلت هون جاه شيٍ وزاده |
الحال من كثر الطواري ترده |
وبأسباب دنياً بالحمايل حصاده |
ياما خذت من مطلقين الأحده |
اللي لهم عند الملازيم عاده |
واللي ليا قالنا على الخيل رده |
كل ضحى الهيجا يورد جواده |
راحت بهم غبر الليال المصده |
تشعل بتاليهم فتايل زناده |
والعمر لو طالت لياليه مده |
لا بد ما ياتيه طير القراده |
أمر الولي يا صار ماحدٍ يرده |
ياكود من يعلم ضغاين عباده |
علم لفا روحي صطابه وقده |
قد الغروب اللي كثير بياده |
والعين تبكي واحرق الدمع خده |
والكبد عافت عقب الأخبار زاده |
والدار داره واظهر الحزن سده |
ولا لومها لو طولت في حداده |
على الرفيق اللي نبيه ونوده |
من لا بة كسب المعالي قناده |
قفت ركابه والمنايا تحده |
عساه للجنة بدار السعاده |
مرحوم يا من فاز في كل هده |
ما هو من اللي ينثني دون ماده |
عز الرفيق وضد من هو يضده |
عند اللوازم وقفته واجتهاده |
عسى الولي عن جنته مايرده |
ويجبر عزا ناس لهم فيه راده |
وتم الكلام اللي نبع من موده |
والمنتهى بيت الشرف راس ماده |
مقبول بن قطنان الشلوي |
|
