في زمان الصمت في عصر الزحام |
تطري اشياء على بالي كثيره |
تمضي الاعوام عام بعد عام |
والبشر ما بين شك وبين حيره |
ناس تعاني من اوجاع الغرام |
وناس بدنيا الهوى ضايع مسيره |
الهوى والشوق في وضع انقسام |
والوفاء دروبه اذا زادت خطيره |
من يعز نفسه يجنبها الملام |
واضعف نفوس البشر نفس غريره |
من يخاف الله ويخشى من الحرام |
يجنب دروب الخطايا عن مسيره |
ديننا الاسلام دين للكرام |
والله المعبود مابه رب غيره |
افضل الاعمال واحسنها الصيام |
والصلاة تنور القلب وتنيره |
والفرص حلوه اذا جت باغتنام |
اما حال طيبه والا كسيره |
ما احد مخلد ولله الدوام |
كلنا اموات وكل نفس ومصيره |
والمحبة تكسبك كل احترام |
والخطا من احباب قلبك لا تثيره |
يعني لاجت قل على الدنيا السلام |
المعاتب والحكي ما فيه خيره |
اضحك وخل العتب بس ابتسام |
مغريات الوقت والدنيا كثيره |
وقصة اللي هام في عصر الزحام |
ما لقى ضد الهوى اية ذخيره |
واحد ما همه عتاب وملام |
ما شكى ظروف الزمن لو هي عسيره |
غربته طالت ولو حاله حطام |
ما يقول الا عسى بالامر خيره |
المتجه للمجهول |
|
