خلوني أحيا مثل ما أنا ثريا |
عقل رزين وقلب أنصع من الشاش |
خلوني أحيا مثل ما أنا كذيا |
أنقى من الماء من ينابيع ورشاش |
أجنّب برجلي دروب الرديا |
ولا ماشي قلوين مريضات وغشاش |
عصفورة الأحلام تاهت هنيا |
تبحث لها في خافقي غصن وعشاش |
ولا لقت إلا ضلوع (ن) بليا |
صفراء حنايا القلب وضلوعه هشاش |
صمت القبور الموحشات الخليا |
استوطنت قلب (ن) مداهيله قراش |
تبكي ندم عمرن قضى من يديا |
يا للأسف عمر تعداني إبلاش |
كفوف حزني طايلاتن سخيا |
ومصايب الدنيا سعيدات وبشاش |
لو قلت لي يا حادي الركب هيا |
لأقولك ظميا المواريد وعطاش |
ولو قلت لي شف هالربيع وتهيا |
لأقولك جدب المرابيع ودشاش |
ولو قلت لي شف هالغصون وتفيا |
لأقولك ما تذري غصونه اللاش |
وهذي أنا رغم المصايب هذيا |
شوفي بعيد ولا على عيني غباش |
أمشي على وضح النقا ما عليا |
أقلط على جزلات ما أقلط على عراش |
وأنا كذا فوق السحايب ثريا |
عقلي رزين وقلبي أبيض من الشاش |
ثريا الشرق |
|
