سلام مني والتحيات مهداه |
عداد من جو بالحرم وسجدوبه |
يا خادم البيتين لله لله |
لله درك يا زعيم العروبة |
يا الحاكم اللي مجدكم ما له اشباه |
من راس أبو تركي نسايم هبوبه |
الحكم والله يا ابيض الوجه تزهاه |
يزهاك سلطانه وتاجه وثوبه |
مقيض مجدك بالثريا ومشتاه |
فوق الكواكب والمجرة سموبه |
يشهد لك التاريخ والناس تقراه |
انك شروق المجد وأنك غروبه |
وانك سنام الطيب راسه ومبداه |
من اقصى شماله لين تأصل جنوبه |
غيث همل فوق الوطن لين رواه |
وازهر وربع والبشر ربعوبه |
عطفك غمر شعبك وطيبك تعداه |
وصلوا لرب البيت منشي نصوبه |
قالوا يا رب العرش يا الله ترعاه |
تجزاه يا لمعبود عنا مثوبه |
وقلت اختصر وزبدة الهرج معناه |
الشيخ فوق المدح مهما حكوبه |
يا حرفي التايه بغبة مزاياه |
مدحه بحر والشعر واهله غدوبه |
يا سيدي نرفع تحية مثناه |
بالمسك والكادي عدد ما مشوبه |
وسلام مني والتحيات مهداه |
تعداد من جو بالحرم وشجدوبه |
فايز بن لافي العنزي - الرياض |
|
