ذكرى عزيزة للوطن حلت اليوم
|
ذكرى التوحد من شتات وخصومه
|
جمع شتات المملكة منقذ القوم
|
أول بشايره الرياض بقدومه
|
حر تنهض للبطولات زيزوم
|
عبدالعزيز الصيرمي في عزومه
|
صالح ومصلح بدل الجهل بعلوم
|
والشرع ثابت في سجل الحكومه
|
هذاك أبو تركي شهر واعتلا الحوم
|
وصفاء سماها عقب ما هي بحومه
|
وحد شتاتاً كان للأمن محروم
|
والجهل ولاّ ما بقى إلا رسومه
|
مرحوم يا من وحد الشمل مرحوم
|
واللي تذكر سيرته من يلومه
|
خير السلف عقبه صناديد وقروم
|
كل على التوحيد عصّب كمومه
|
في سيرته يمشون قوما بعد قوم
|
عياله اللي سلمهم من سلومه
|
ريف الضعيف اللي من الدهر مهموم
|
إن جارت الدنيا وزادت همومه
|
ومن جنب الملّه على الخشم ملطوم
|
اليا انحرف فكره وشانت علومه
|
يا دارنا بحماك ما احد مضيوم
|
يا ديرةٍ بين الديار محشومه
|
من حشمه اللي من خطاياه معصوم
|
ومحطم الاصنام في وسط قومه
|
اللي نشر بالحق دينه وراء الروم
|
وللشرك والالحاد وجه اسهومه
|
وصلاة ربي عد ما هل ديدوم
|
ازكى صلاةٍ للنبي مختومه
|
مسند بن مازن الميزاني |
|
