الشاعر المعروف مصلح بن عياد الشلوي الحارثي شاعر كبير من شعراء النظم والمحاورة المجيدين والبارزين على الساحة.. له قصائد متعددة الجوانب تميّز في صياغتها وعالج بها الكثير من المواضيع حيث تتصف أغلب أشعاره بالحكمة وله قصائد في المناسبات الوطنية. إليكم مقتطفات من أشعاره.
|
عن محبته للوطن ورموزه الكرام يقول شاعرنا من قصيدة طويلة:
|
يقول الحارثي قولٍ عليه من الرجال شهود |
انا افدا المملكه والمال والارواح تفداها |
يعيشون الرجال اللي ذرانا عن هبوب النود |
انا اشهد ما خسر صقر الجزيرة يوم وصاها |
عسى من ينكر المعروف يمسي في عيونه عود |
عسى عينه تروح وقلبه النذل يتقفاها |
ومن قصيدة طويلة يتحدث بها عن الدنيا وعن تقلباتها يقول شاعرنا:
|
شيبت من كثر السهر والتفاكير |
في هجرةٍ تمشي وتركض جهدها |
أحدٍ تيسر له دعاويه تيسير |
واحدٍ تجوّد له سبع من عقدها |
سلط على الدنيا ترى ما بها خير |
مكروهةٍ من يوم شيد عمدها |
ما قرت الدنيا لابو زيد والزير |
وذياب بن غانم طوت به لحدها |
يالله عسى ممشاي منها على خير |
في ساعةٍ روحي تفارق جسدها |
اخير منها ركعتينٍ بتوتير |
يا كبر حظ المومن اللي سجدها |
|
يالله ياللي تبدل الضيق بافراج |
يا رب عيني نومها ما هناها |
يالجتي لجلاج بنن على صاج |
من فوق نارٍ مايوني سناها |
في ربعةٍ تلقابها كل محتاج |
وضيفٍ مودعها وضيفٍ لفاها |
وبريةٍ من سوق خولان الإنتاج |
سلم على من باعها واشتراها |
والهيل جوابه من ورى ساحل العاج |
داخل صناديق مشيك علاها |
والما قراحٍ له مع الطي لجلاج |
من عيلمٍ عشرين لفة رشاها |
انا ليا شفت اسمر الليل ينباج |
يطري على الروح الشقيه شقاها |
ان رحت اسيّر قالوا الناس دواج |
واليا قصرت الرجل قصر مداها |
ومن قصائد الحكمة نختار له هذين البيتين:
|
بيت الندا يندا الندا منه دايم |
وبيت الردى تبقى عروقه سقيمه |
واللي يبي من ضعف الانفس غنايم |
سلامةٍ من ضعف الانفس غنيمه |
وعن طلب المرجله يقول شاعرنا:
|
يالله يا رب عبدٍ غابش توه |
يوم المواذين تذن في مساجدها |
نطرد ورى الرزق والارازق تلهوة |
لين المنايا توردنا مواردها |
المال خلى الغناوي صافي جوه |
والعسر رد النشامى عن عوايدها |
أما في قصائد الغزل فله الكثير والكثير ولكنني اختار لكم هذه الأبيات:
|
يا تل قلبي من صميم الحشا تل |
تل الغروب اللي من البير مليا |
ليت القلوب من المودة تبدل |
والله لا دور غير قلبي بدليا |
انصحك يا قلبٍ عوج ما تعدل |
تجهل وانا مالي ومال الجهليا |
بينك وبين الي تحبه حجر جل |
يا بعد اهل خلي ويا بعد اهليا |
من قصيدة طويلة يوضح بها وصف الرجال نختار منها قوله:
|
رجل اليا جا الضيف هبت هبوبه |
وقدم له الترحيب والرزق مضمون |
ورجل اليا جاء الضيف نفخ ذروبه |
ثم انطوى كنه على القلب مطعون |
رزقه ورزق اللي يواليه دوبه |
لو كان يركب له كدالك وصالون |
ورجل يحل المشكلة من جيوبه |
واليا جلس بين الرياجيل مامون |
ورجل علومه وارده ومحسوبه |
واحلا من السكر مثل ما يقولون |
ورجل علومه هينة ومعقوبه |
ثنتين صدق وخمس من دون في دون |
ومن قصيدة يناشد فيها الدار ويتوجد على أسلاف رحلوا عن هذه الدنيا الفانية حيث يقول:
|
يا دار وين مشيدين الرباعي |
وجدي عليهم وجد مجنون ليله |
اقفت بهم شهب الليال الجياعي |
عظامهم تحت النثايل هليله |
وجدي عليهم وجد طفل رعاعي |
الموت ذب امه وابوه وخليله |
ومن قصيدة يعبر فيها عن الرفقة وحسن المعاشرة للرفاق نختار منها قوله:
|
زلة رفيقك خل فيها التعدال |
الاوله والثانيه لا تساله |
والثالثه سقها على روس عقال |
وكل يبي يعطيك فيها مجاله |
والرابعه لا تنهزع له اليا مال |
اليا جفاك الدار دور بداله |
رفيقك اللي تاجده بعض حال |
ارفق عليه اليا حصل منه حاله |
ترى الرجال زحول وفحول وازوال |
وكل عطاه الله على قيس حاله |
والصبر زين وفيه مخرج ومدخال |
ومكارم الاخلاق ساس العداله |
نتمنى لشاعرنا دوام التوفيق والنجاح وإلى اللقاء مع شاعر آخر. ولكم تحياتي.
|
زهران عون الله المطيري- بريدة |
|
