أسأل اللِّي فضل جوده على خلقه عميم

دوم عز وطول عمر الذي ما ألحق جزاه

سيدي ومعزب إبوي قبلي من قديم

تاج رأس الطيب كله وغاية منتهاه

حاكم أمن المملكة موت من قلبه سقيم

إبو سعود كعام من ضيّعه غادي طناه

يوم غشّوا بالمفاهيم حقد بسين جيم

من نقض ما يفتل اللِّي بعيدٍ مبتغاه

من شهر عند الثريا مثل فعل العديم

لين حوّل فالثنادي على كيد إخصماه

من لعين أمن الوطن حارب إعلامٍ ظليم

الدواهي ما لهم غير من يدهى الدهاه

منهو اللي بالحقيقه جلا الليل العتيم

وقال مابه ضد مجهول جرمٍ واشتباه

منهو اللّي لا تحدّث على المنبر حكيم

يسبر المعنى ويبهر بخيصين النباه

منهو اللِّي بكل حادث بأمر ربٍ عظيم

كل ما استشهد وفي صار أبوٍ لأيتماه

منهو اللِّي رد فعله على الموقف سليم

إن كبر وإلاَّ صغر شيء به حلم وأناه

منهو اللي نافس الغيث بالكف الكريم

يشهدون البدو والحضر في مدّة عطاه

منهو اللي حازم بحال وبحالٍ رحيم

والخطأ لا صار عابر عطف فيضه رفاه

أحلف بربي وغيري قبل علمي عليم

اسألوا وتقول نايف محايدة الشفاه

بلسم الأيام لاجابها جرحٍ أليم

فزعة المضيوم لا بار به أوفى أقرباه

الولاء يجري بدماء طفلٍ سعودي فطيم

مثل ما يلهج به الشايب اللي في عصاه

ومن يشوف الدرب الأبلج ويجحد للجحيم

ما نبي عدو نفسه ولا بايع دماه

ما حسبنا لناعب ونابحٍ دربه ذميم

ساذجٍ آداة تنفيذ لمقنّع وراه

أمن بالأوطان وصحه بالأبدان ونعيم

نحمد الله وندعي لإخوان نوره بالصلاه

عبدالعزيز المتعب

صفحة الجزيرة الرئيسية

الصفحة الرئيسية

رأي الجزيرة