وش حيلة اللي بذِّه الحذف وادماه |
من جاهلٍ مندَّس في درق غاليه |
ان جا بيصبر غثّه الخبل وآذاه |
وان جا بيحذف وقعّت في مواليه |
والناس تجهل ما جرى له وما جاه |
تزيد همه بالعتب والمشاريه |
لا وآعذابه من حياة المعاناة |
ما كنه ألا قابض الجمر بيديه |
مجبور يصبر وان تعب ما يقول: آه |
حتى تمادى بالجهالة عواديه |
والنذل ما تنفع معاه المداراة |
يزيد شره مع خطاه وتماديه |
هذا بعض هم الشقاوي وبلواه |
ما جاه من لوعات الأيام يكفيه |
لكن على الله -عالم الغيب- شكواه |
سبحانه اللي من هل الكيد ينجيه |
عايض بن مساعد |
|
