قصيدة مرثية في الشيخ حزام بن معضد بن خرصان العجمي -رحمه الله-

اوداعت الله يا حزام بن خرصان

اوداعت اللي ما يضيع وديعه

ما عندنا غير الدعا وقت الاحزان

هذا الذي في وسعنا نستطيعه

يغفر لك المعبود خلاق الإنسان

الواحد اللي كل مسلم يطيعه

العبد لو عمر سنينٍ ولو زان

لا بد لوعات الليالي سريعه

وانته يا بن معضد من اللي لهم شان

ولا يفقد الاطيبين الطبيعه

الشيخ مثلك ما يقدر بالاثمان

يا ما عنا لك من صدور وسيعه

لك في صروح الطيب مركز وعنوان

وراع الكرامه والدروب الشجيعه

من روس قومٍ تعطي الكيل مليان

دهات الرجال أهل الحصون المنيعه

الله يثيبك يوم زوغات الأذهان

يوم الحساب وكل نفس مطيعه

نرجو عسالك جنة الخلد مسكان

ومنازلك في جال ربك رفيعه

وختام ما قلنا من القلب ولسان

اوداعت اللي ما يضيع وديعه