يا مرحبا يا نور كل الجزيرة

يا فزعة المظلوم يا رافع الشأن

زاد الفرح والنور في كل ديرة

مستبشر الشعب في كل الأوطان

شعبه عضود له حزام وذخيرة

يردون حوض الموت لا ثار دخان

أنت الحكيم اللي خيورك كثيرة

ما عاد في شعبك ضعيف وعريان

الحمد لله ما علينا قصيرة

الشعب يدعي له شباب وشيبان

يا حاكم شعبه بفكر وبصيرة

حكيم رأي ولك مع الناس ميزان

من حكمته كل العرب تستشيره

شعبه يحبونه له عضود واخوان

يالله عساها لأبو متعب سفيره

الحاكم العادل معه قوة إيمان

يالله عسانا ما نتبدل بغيره

وإخوانه الوافين ذربين الأيمان

عدونا يوقف ورجله قصيرة

حكامنا اللي طوعوا كل شيطان

يالله عساها لأبو متعب نويره

ترجح موازينه على كل ميزان

خير أبو متعب عم كل العشيرة

أبو اليتامى اللي سقى كل ضميان

هداج تيما سمح الله مسيره

حبيب كل الشعب لو كان ما كاني

شوره براسه ما يطاوع شويره

حر معرب جاذبه طير حوران

متواضع لله ولا بنفسه كبيرة

أنا اشهد ان عقله مع الناس مليان

أبوه راعي الخير ويتبع مسيره

حر معرب في خوال وعمان

حكيم رأي ولا بعينه ضريرة

ومفتح عينه مع فلان وفلان

معه رجاجيل أخوياه ووزيره

مانيب أنا في مدح الأجواد غلطان

وكل على نفسه يحكم ضميره

والله خلق للمودمي قلب وأعيان