رفرفي ياراية العز بقدوم المليك

الزعيم اللي سعدنا وفرحتنا لقاه

رفرفي بقدوم تاج الوطن عز الدريك

لي تخلا عنه ربعه تلاجى في ذراه

قولي الشعب السعودي بلهفة يحتريك

بالمودة والمحبه يجدد لك ولاه

تحت شرع الله وحكمه ولا غيره شريك

ننثني دونك وحدَّ الوطن نحمي حماه

كلنا رهن الاشاره زنادٍ في يديك

من يعادي للوطن سيدي نقصر خطاه

ما نطاوع في الوطن هرج لا هذا وذيك

سمهم وسط العسل عزتيل اللي كلاه

كم هبيلٍ طاوع اللي يحركه تحريك

جاهلٍ باللي يدبر عدوه من وراه

العدو لو ضحك سنه فقلبه ما يبيك

الهدف تشتيت الأمة وذي غاية مناه