لو ضحكت لعيون الناس تبكي جروحي
كل جرح يصيح بداخلي يشتكيني
ألف دمعة بعيني وألف جرح بروحي
يوم أنا أرسم على محياي ضحكة جبيني
اتجاهل أبي صبري يداري وضوحي
وأخفي الحزن بأعماقي وهو محتويني
أقرب الناس مني من قتل بي طموحي
وأبعد الناس عني من مسح دمع عيني
آه يا صغر حلمي,, وآه يا كبر نوحي
دام بي عرق ينبض ما يبطل ونيني
ايه حاولت,, أخفي عن مسامعك بوحي
قلت: بأشيل همي والصبر يحتريني
وطال فينا الطريق وصار صبري شحوحي
ما تجمل,, ورافقني لآخر سنيني
جيت ابلعن مداه وراح يلعن جموحي
وقبل اغمض عيوني عشعش اليأس فيني
انتظار العتيبي
