الله أكبر يا غرام الجافي

اشهد انه بالحياة اعجوبه

والمصيبه يوم قلبك وافي

وعارفٍ سلم الهوا ودروبه

وصاحبك ظالم ولاهو وافي

والتجاهل شيمته واسلوبه

عقلي اللي فقت فيه اسلافي

ورايي اللي فكرته مرغوبه

من عقب ثقله يلد خلافي

صاير في دنيته يا دوبه

كنه اليابان صار اطيافي

انّكب وانا بعد منكوبه

من عقب زلزال هزه لافي

صبّح تسونامي وذاعوابه

والمفاعل صار فيه اخلافي

وذاك مثله في حياتي حوبه

امشي برمضاه لوني حافي

ولاني بمشيي معه مغصوبه

وابتسم واقول له متعافي

ولوغلط دايم اكون بصوبه

كني المدمن وهو لي كافي

وكني اللي بالسحر مطبوبه

اشتري قربه وهو لي جافي

ودايم حقوقي معه مسلوبه

كل ماتدمح يجي متغافي

ويرجع لنفس الخطا وذنوبه

عن عدالة عالمه متجافي

ويستحيل انه يقول التوبه

اطمة السلمان - القصيم

(شجزن القصيدة)