الشاعر: شافي بن عبدالهادي بن راجس
لا تنزعج ما غيرك أحداً من الناس
أنت الوحيد اللي سكن في خفوقي
لا يلحقك في حب مغليك وسواس
سلمتلك فكري وقلبي وشوقي
أنا أدري أنك يتلع الجيد حساس
ما تدري أنك ساكن وسط موقي
غلاك في قلبي على العين والراس
يا بلسم أجروحي وشفي وذوقي
لا غبت عني ما غفا الجفن بنعاس
من غير أغني لاجل شوقك طروقي
رمح التجافي أشبه برمح جساس
يهشم أضلوعي ويقطع عروقي
جفاك يكتمني مثل كتم الأنفاس
وقول لعيونك من الصد روقي
أعروق قلبي في حراويك يباس
وأنا على شوفك تكاشف بروقي
