سلام يا صقر العرب يبو الأيتام
يبو الضعيف وناقل الهم والدين
في سيرتك يا سيدي سحر الأقلام
تعطر الصفحات سيرتك وتزين
ملك وقائد شعب مسلم وخدام
خدام لأطهر ما على الأرض بيتين
مع منهج الهدي على دين الإسلام
ودستورك القرآن وتناصر الدين
عادل وعدلك ظاهر بين الانام
وفيك الصفات اللي على وقتها تبين
حكيم راي بكل موقف وعزام
موفقٍ تضرب على العسر ويلين
كريم عم الشعب فضلك والإنعام
تسعى وتبذل كل جهدك لك سنين
طيبك جبلّه بس لعداك لطام
سهل بحال وحال عسر وبك لين
فزاع للي طالبٍ لك ومقدام
والأصل من آل السعود الميامين
ثلاث مية عام بالشرع حكام
الله يجعلها لكم بالموازين
اتناصرون الدين بالعزم وحسام
ودروع للدولة بوجه المعادين
وشعبك يبو متعب يقولون قدام
حنا معك نمشي على العسر واللين
بانت مواريها لكم عبر الإعلام
انته وفي وانقول شعبك وفيين
وصلاة من نزل تبارك والأنعام
على أحمد الهادي إمام المصلين
عميد ركن/ خلف بن ذعار الحربي
