يا دولة الخير دونك كل شهمٍ يذود
أمجاد الأبطال تاريخك وعاداتها
الوقفة اللي تشرّف والخلايق شهود
على حدود البلاد من أربع جهاتها
تباشري بالسعد ورقي بعزك سنود
جنودك اللي تسر العين وقفاتها
نعم العرب يا بلاد العرب نعم الجنود
الشرع دستورها والنصر غاياتها
متوارثين الشجاعة صادقين العهود
على شموخ القمم تسمو شهاداتها
صفوفهم ما دخل فيها الجبان الشرود
وسيوفهم تقمع العدوان سطواتها
نفخر بهم والبلد على جميع الحدود
تعتز بجنودها الوافين وحماتها
ميقاف شامخ يبرهنه الوفا والبنود
حقايقٍ وثقّت الأحداث صفحاتها
بجهودكم يا جنود الحق نعم جهود
أوطانكم عانقت الأمجاد هاماتها
مواقف العز فيكم بالبسالة تزود
تشهد ميادينها الحرة وساحاتها
حميتم الجار من عبث الجبان الحقود
وبلادكم رفرفت بالعز راياتها
أنتم حماة الوطن وأنتم رجال الصمود
معارك المجد نلتم تاج جولاتها
بقيادة القايد الأعلى زعيم الفهود
زيزوم الأمة إليا اشتدت ملماتها
ياقف لها خادم البيتين عز ويجود
والمملكة تحت رأيه راي قواتها
يا مفخرة ديرتي عمت عيون الحسود
العز بجنودها والمجد ساداتها
الشاعرة/ فتاة نجد
