حنا بأمن وأمان ربي ومنا
ثم بأمن نايف واليدين الأمينه
نامن ويامن من يجي في وطنا
بجهود نايف مدد الله سنينه
وزيرنا اللي يرهب القوم عنا
نايف ليامن العدو امتحنا
هو سيفنا اللي للعدو محتسينه
وأحمد عضيده ساعده ما تونا
ليل ونهار وكل وقته وحينه
ومحمد النايف برايه عملنا
دون الوطن بالجهد تسلم يمينه
وحنا رجال الأمن من يوم كنا
دون الوطن حنا حصون حصينه
أرواحنا ترخص ونفدا وطنا
نفداك يا مكة ونفدا المدينه
ونفدا المليك اللي بعطفه شملنا
اللي بكل الخير قاد السفينه
بطلته كل العروبه تهنا
حلال صعبات العقود المتينه
ونفدا ولي العهد زبن المجنا
هو درعنا والخير ضحكة جبينه
ونفدا الأمير اللي بقلبه سكنا
أمير نجد وعاصمتنا الثمينه
يا حلونا يامرنا لازعلنا
موت الشرف ولا حياة الغبينة
ماجد نايف العشاي
