أنا وانت اشركا حلمٍ بنيناه
نذرنا أرواحنا لجله وداعه
وفي ساعة غضب منا هدمناه
من المسئول فينا عن ضياعه
سؤال ابغيك تفهم ويش معناه
وابي منك الاجابه عن قناعه
تذكر كم وكم ليلٍ سهرناه
وشُتّتْ شملنا عقب اجتماعه
سرقنا الوقت وحنا ما حسبناه
ويا ليت الزمن ساعه وساعه
يقولون النصيب يصيبك أدناه
وأنا ارقب بارقه واطرد شعاعه
ما كل إنسان يدرك ما تمناه
لابد ان الزمن يلوي ذراعه
ضيف الله المتعاني
