سوَّاح يا صاحبي سوَّاح
أسكن مواني وأخلّيها
أثر المواني وجيه اجراح
دام الليالي تنسّيها
يا صاحبي والهوى ذبّاح
وجروحنا من يداويها
ولو قلت لك لحظةٍ برتاح
أكذب على النفس وأرضيها
قلبي في ليله نساني وراح
وشلون هالنفس يشقيها
يا ليت لي فالهوى مصباح
في عتمة الليل وأضويها
جرح المودة بصدري صاح
ودموع الآهات تنعيها
يا نور ليلٍ علي وضّاح
متى زهوري بترويها
تعال وجه السفر ما لاح
ومشاعري لا تعنّيها
بهديك قلب الغلا ووشاح
ويا وين ودّك توديها
الشاعر- الأمير د. سعود بن عبدالله
