ياوي فنجالٍ شربته الحالي

فنجال ما له ثانيٍ بالفناجيل

غالي ومدّه غاليٍ صوب غالي

تهديه غير ايديه سودٍ مضاليل

مدّه عليْ وقال خذ يا حلالي

لا يا بعد من ينقل القال والقيل

خذيت فنجاله وريّحت بالي

وثنيت رجلي عندهم للتعاليل

ودار الحديث وكل شيءٍ صفالي

وارهيت منهم بالوفا والمحاصيل

وقمنا على ما قال لا له ولا لي

الا وعودٍ بالليال المقابيل

الله درا وش بالليال التوالي

هن يلقحن والا بعد يظهرن حيل

يازين وصل امغربلات الليالي

بين الثنين اللي خذوها تباديل

كلٍ يروح لصاحبه ما يبالي

من روسهم ما يرسلون المراسيل

ياذاك أنا قبلك من الحب سالي

ورميتني في محكمات المحابيل

ذكّرتني يا ذاك وقتٍ مضالي

يوم المودّه ما لقوها المهابيل

أيام لأهل الحب فيها مجالي

واللاّش ما له في طرفها مداخيل

الشاعر عبدالهادي بن راجس السبيعي - رحمه الله-