سلامتك ما عاد لي رغبةٍ فيك
لاصدّ قلبي صدّ من دون رجعه
وما ينفعك تنشدني بطهر وشفيك؟!
صرت أفهم التمثيل.. وأعاف طبعه
الأمير الشاعر - سعود بن بندر (رحمه الله)
في كل عام يزود حبّه بعد زود
أقفى بروحي والتوا في رسنها
أموت بين الخد وعيونه السود
وحواجبٍ ربّي بملحه قرنها
الشاعر - خلف بن هذال العتيبي
لو تبي تزعل على منكر عطاك
ما لقيت اللي يبادلك التحيَّه!!
بس حتى الشمس ما تهجر سماك
كون طول العمر (حمّال الأسيّه)!!
الشاعر - عناد المطيري
قولي خيالي.. ياخيالي واقول ايه
طبعي قبل لا أعرف طريقك ولازال
أمّا اهجري ليل الغرام ومساريه
والا اقبليني مثل ماني بها الحال
الشاعر - سليمان المانع
