هذه القصيدة كتبتها عندما توفي عمي والد زوجتي محمد بن عبدالله الدخيل رحمه الله رحمة واسعة وأدخله فسيح جناته الذي عرف بطيبته وكرمه.

مقدور من ربك ولا هو من اعداك

مقسومك اللي كتب لك في زمانك

لو طال عمرك لازم الموت يقفاك

عمرك مقدّر لك وبيِّن مكانك

إلى بغاك الموت جاك وتنصَّاك

لو انت في رأسٍ ومرفوع شانك

يا عم إلى رحت البيت ينعاك

ياجد فيصل رحت وابعد زمانك

واذكر محلّك يوم تقعد وممشاك

واذكر تواصيفك وطيبت لسانك

واذكر مشبك يوم تقعد به اهناك

وفنجالك اللي فيه يحلا لاشانك

واذكر بذيك المزرعة وانت بشتاك

لك مجلس يذكر عن الشين صانك

يابو دخيل إن حل ذكرك وطرياك

يقال نعم الله يوسع مكانك

الله يوسع مدخلك عقب دنياك

دعوة قلوب طيبها من حنانك

عبدالله ناصر المريس