يكبر ظلام الليل والنور كشاف
يفضح ظلام الليل طلة جبينه
صبحٍ بهيجٍ بالسعادة والاوصاف
علاقة الايضاح بيني وبينه
كنه يناديني على راس مشراف
بالنبره اللي للقلوب الحزينه
تاخذ حمى نفسي على روس الاكتاف
بعلى درجات الرضا والسكينه
وسعى بميدان التماثيل وطاف
الشعر غبه والهواجس سفينه
يبحر بها الشاعر الي سيس القاف
على القواعد للحصون الحصينه
في موقفٍ يفرق على كل ميقاف
نجر المدايح بالمحبه دنينه
للعاهل المقدام الياخاف من خاف
يسلم لنا العاهل وتسلم يمينه
دايم بشايره السعد نسل الاشراف
الله يطول بالمعزه سنينه
قلبه وطن وعيونه افراش والحاف
الشعب في قلبه وفي نون عينه
بحر العطا كنز الوفا ساس الانصاف
رمز التواضع والله انه يعينه
ابو اليتامى بالعواصم والارياف
والله ما تحصى مكارم يدينه
اقربهن اللي لأكثر العالم اسعاف
اعفى القروض ومكرمته الثمينه
وكبر مشاريع الطرق شي ينشاف
في عهد ابو متعب وفعله يقينه
نصدع بها في كل منبر ومحراف
ربط القريا النايده بالمدينه
عز الله انه للصعيبات عساف
من حكمته كلش يتمه بحينه
صالح بن عبدالرحمن الصالح الناصر - الزلفي
