أنساك من هو قال لك أقدر أنساك؟

والله لو النسيان حاجة بسيطة

من غبت ما غابت من البال ذكراك

واللي مضالي دوم ارجع شريطه

يا كنزي اللي ضعت وشلون ابلقاك

ودي أجيك وما لقيت الخريطة

ابحرت أدور عن وصالك ولاماك

واتعبت مركب لوعتي في محيطه

تومي به الأمواج منّا ومنّاك

الجو مظلم والعواصف نشيطة

مفروض قبل تلوع قلبي بفرقاك

تجيه ويعلم المفارق تحيطه

واللي جمع كل الحلا في محياك

ما أغليت مثلك فوق ظهر البسيطة

تدري قلوب عداي يا الترف وعداك

مثل الحجارة وألسنتهم سليطة

سليمان الغفيلي- بريدة