أي والله استاهل انك تلتفت صوبي
مدام قلبي غريب وموطنه صوبك
انا وقلبي نحبك وانت محبوبي
وانا ادري اني هوى قلبك ومحبوبك
غلاك عذري حبيبي واكبر ذنوبي
يالله عساني بقلبك اكبر ذنوبك
مجنون احبك واعزك وانت مطلوبي
واشتاقلك وادري اني كل مطلوبك
والله لو صار حبك اكبر عيوبي
لجل المحبه لافاخر بك مع عيوبك
ايه اعشقك موت واتخيلك بدروبي
واحس نفسي سريتك لاخر دروبك
عبير واستنشقك كالعطر في ثوبي
واشوف عطري يسافر بي على ثوبك
مدري انا استاهل انك تتجه صوبي
والا تخليني اشقى واتجه صوبك
- وليد الناصر
