* * يقول مهندس الكلمة الأمير عبدالمحسن بن بدر في ديوانه «ما ينقش العصفور»
الصدق
ما ينقش العصفور في تمره العذق
وما وشوش الدبور زهره الرمان
والصدق ما زاعت أرض جوفها بركان
وما يحفر الأظفر في جلدة المجدور
وش يخفي الإنسان الطيب المغرور
عضيت أنا أجساد الحروف الواضحة
يا أخت الطريق
عضيتها صدق الشفاة الناضحه
شهد وشري
وكان الحديث جرح طري
مضمد بالياسمين
كان الحديث ما هو الحديث اللي تبين
وش اللي تبين الصدق؟
وش الصدق؟ غير الدفا والنور
وما يقتل الإنسان الطيب المغرور
لو قلت لك إني ضعيف
هش كما ورق الخريف
أو قلت لك إني أخاف
أبكي وأخفي عبرتي
وإني لبست ثوبي عقالي وغترتي
بجامل الليل والجفاف
بيعجبك هذا الصدق وهذا العفاف؟!
بهديك أنا يا مهرتي سرج حرير
وقلادة ذهب
وأبا اشتري سيف رهيف
لو ما بقى عندي ثمن نصف الرغيف
اللي يسد الجوع
والجوع صدق
والجوع صدق وما سواه
يا أخت الطريق
كذب كذب كذب
