واحلم على الجاهل ترى الحلم مبروك
وقم للضعيف اللي من الضيم ينخاك
وادمح خطا جيران بيتك الى اوذوك
ترى القصير وحرمة الجار بحماك
وقم للضيوف اللي لفولك وضافوك
اغلا كرامتهم حجاجك وبشراك
سليمان بن شريم
رفيقك لابغيته عند شده
لقيته يقطع الصعب ويحزه
يشاطرك الهموم ان ضاق بالك
ويبرك للحمول ابكل حزه
رفيق الضيق مرفوع مقامه
عزيز جانبه عزك ابعزه
زيد الفايز
غض النظر عن جارتك لو تحاكيك
خلك على جارك على ما هقابك
واوصيك في ربعة ذرى من يذريك
اللي الى ضاقت عليك التوى بك
واوصيك في ضيف من البعد ناصيك
ضحك الحجاج وقولةٍ مرحبا بك
سعود العواد
