الا يامن لعين عن لذيذ النوم مشطونة
وطار النوم عن موقه وزاد الويل ولوالي
انا توي عرفت ان المودة جايركونه
تسل الروح برموع لها المعلوق ينشالي
وحياة اللي تخضع له جميع الناس يرجونه
فلا أحسب الهوى يذبح لمى اني شفت انا حالي
عرض لي فارع دالع يشوح الريح بقرونه
مغر يطرق القذله يحسب المطّرق خالي
غرير غر في زوله وفيه الروح مفتونه
مغرٍ بالهوى توه غرامه لاح باقبالي
فتاةٍ يزمله ظله شذاةٍ مايعقلونه
غريرٍ بالهوى توه غرامه لاحق تالي
تضفضف يوم نابيته وضف الراس بردونه
تذيَر قلت لا تزمل أنا المملوك يالغالي
اعيذك يانظر عيني عن الحساد وعيونه
كما انك من هل الدنيا غريب مالك امثالي
ألا يازين ماترفق بروح فيك مرهونة
دخيلك ياوليت ارحم ترى حبل الهوى بالي
تبسم وارتخى الملثم غزال معجبه لونه
طلبته يدفع السايل يقول الخير باقبالِ
عبد الله الاشقر
