لا تشتكي جرحك على نايد الناس

جايز تبوح لواحدٍ ما يسرّك

تعطيه ما عندك من الراس للراس

تبيه عون وبالتوالي يضرّك

وين الصراحة يا زمن وين الإحساس

يا وقت كيف أشناك لله درّك

علمتني كيف أجرع المرّ بالكاس

وعلمتني دنيا الرخا لا تغرّك

وعلمتني لا تسلّم النفس لليأس

وعلمتني تبرّ منهو يبرّك

وعلمتني قولة هلا فيك لا بأس

ما هي عباره هامشية تمرّك

لا والله تداويك وتردّ الأنفاس

وعن موجة الأحزان سرعة تفرّك

لا جات من صاحب لعينيك نبراس

لا بأس تبرد خافقك ما تحرّك

يا وقت قاسينا من أحزان وأتعاس

والله تذوقناه حلوك ومرّك

واليوم جُملة واحده بين الأقواس

واحد من المليون جايز يسرّك

سعد السهلي