العنود بنت سعد تكتب بعاطفة أنثوية وبلغة شعرية جميلة:
صباح الحب يا عمري .. نسيمه عطره الإحساس
صباح ٍ غارق بشوقي .. قطف وردة على شانك
ضياه الطهر باعماقك .. يا نبضي ياهوى الأنفاس
ملامح طلته تاخذ من شموخك وسلطانك
خذ السكر من شعوري وحلّي يا بعد هالراس
مرارة قهوتك واشرب بعض مني في فنجانك
ابي منّك تَرَشْفّني على مهلك يا أغلى الناس
وُمعه تغمّض عيونك وابيك تشوفها أوطانك
تمعن كيف لك عالم على صدق الوفا له ساس
بنيته بالغلا قصرٍ لجل حبك ووجدانك
تعال وخلنا نثمل محبه كاس بعده كاس
ويثمل وقتنا معنا ..من احساسي في احضانك
وننسى جعبة الماضي .. ونطوي ما بنا من ياس
ونبدا بالهوى سيره وانا ازرع ورد بجنانك
شذاه الحب ما يعرف نهاية حد وإلا قياس
واريجه يملا أجواءك ...حكاياته بعنوانك
