Friday 04/10/2013 Issue 14981 الجمعة 28 ذو القعدة 1434 العدد
الجليله
يا حياة اللي سكنتي في معاليقه ورحتي
ويا ضياع دروب رجل كانت عيونك دليله
ما دريتي في غيابك شانت الدنيا وشنتي
وما دريتي قبل هذا كنت أسميك الجليله
أسألك بالله بسأل ليه يا فلانه غدرتي
وأنا لجل أشوف ضحكك أعطي ونفسي عليله
هذا أنتي بي غدرتي؟! ما هقيت أقول خنتي
وكيف أنا لا صرت أشوفك صادقه، نفسك نبيله
الخيانه فعل فاضح مهما في لبسك سترتي
والنذل وحده وربي جاحد لعشرة خليله
ما عليك حسوف يالله مانتي لا قلتي قدرتي
كانت أمنيتك تكوني سيده فـ بيتي حليله
غرتك دنيا دنيّه لجلها عني رحلتي
لعنبو عين إنعمت بك كانت تشوفك أصيله
أخوك: طلال الطرقي
