التودد والتجافي
مجاراة لـ(صوت وصدى) القصيدتان اللتان نشرتا في العدد 14959 بين الشاعر ضيدان المريخي والشاعر فهد السياري:
يا صباح الخميس بكل الألوان
دايم وله حضور وله منافي
لاح برقه وأنا طرقي وعجلان
وارتويته وأنا رجل احترافي
وانبتت وردتين وقطفهن حان
يضمرن.. التودد والتجافي
شوشن بي وأنا من روس شجعان
قلت أسجل على الطرس اعترافي
طير حوران فزّع طير حوران
ولفهد ساق ضيدان العطافي
يا هل الشعر الأفخم وارقى الأوزان
ما قريتوا عن السبع العجافي
ولا سمعتوا عن اللي مر ضميان
والموارد مواردها مجافي
ولا دريتوا عن اللي حط ميدان
واستثار المتان من النحافي
واظهر الإنس من منظومة الجان
واستمد السميكات السخافي
في الملاعب حفر ماجد وزيدان
صورة المجد والجهد الإضافي
وفي المنابر تخاوى حوم عقبان
مع طريق الفرزدق والنصافي
وبين سوق الثمين وغال الأثمان
خيّل المزن والفكر امتوافي
وارعد الجاش واستدركت ما كان
واستعدت الجزال من المنافي
الشاعر/ نايف المطيري
