عبدالعزيز بن سعود المتعب

مرثية في علي بن منصور العواجي - رحمه الله:

العمر لاطال أو قصر للزوالي

والدايم الله والمخاليق رِحَّال

من عهد أبونا آدم إلى عهد تالي

أعمارنا محدوده بوقت وآجال

الموت حق وكم خذا إنسان غالي

لو ينفدي نفديه بالحال والمال

والشيخ أبومنصور له قدر عالي

لو الجسد رحل بقا حي مازال

راعي الحميّا الكفو بش القبالي

اللّي لمن ينصاه عزٍ ومدهال

تشهد على قولي كرام الفعالي

غيري شهود وكلمة الحق تنقال

ماصك بابه دون وجه الرجالي

ولا صرّ بالمخباة عن معوز ريال

المعضلات ليا وصلنّه إسهالي

يشيل حملٍ مايشيلنّه جبال

كم ناظرٍ من بعد فرقاه سالي

وكم كف يصفق كف من حسرة البال

لكن عزانا في كرام السبالي

منصور واخوانه على دربه رجال

يالله بجاهك يا عظيم الجلالي

تجعل له بجنتك رحمه ومنزال