«الجزيرة» - عبدالعزيز بن سعود المتعب:

الشعر الشعبي الوطني الجزل مُوثِّق الولاء والوفاء واللحمة الوطنية ووحدة الصف والكلمة، وهذا ما تجسِّده القصيدة التالية في مقام مولاي خادم الحرمين الشريفين الملك سلمان بن عبدالعزيز آل سعود -أطال الله عمره وأدام عزّه- ومقام سيدي صاحب السمو الملكي الأمير محمد بن سلمان بن عبدالعزيز آل سعود -أطال الله عمره وأدام عزّه- ولي العهد رئيس مجلس الوزراء:

سلام يا دارٍ على العز ممشاك

سلام يا مهد النبي والرساله

ويسعد صباح اللي يصونك ويرعاك

أبو فهد سلمان راع الجزاله

ويالله ياللي مانحسب عطاياك

احفظ وطنا يا عظيم الجلاله

وارحم موحد وحدك ما اشرك اشراك

عبدالعزيز اللي يوصي عياله

عبدالعزيز اللي يعشقك ويهواك

يومنها حرب وحريب وجهاله

نزح خصومه كلبوهم والاتراك

حول عليهم ما خذا إلا حباله

ما يشبهه لا ذا ولا ذا ولا ذاك

إلا محمد طيب الله فاله

ولي عهد ونظرته فوق الإدراك

دايم صعيبات الأمور تثناله

يقول شعبي همته كنه إياك

يطويق زاد ابك الفخر في مثاله

وحنا السعوديين يا دار نحماك

شرب المصايب مثل شرب البياله

حنا سعوديين والعلم ينصاك

نشرب ثمين البن نترك حثاله

ويا دار شعبك بأثمن الروح يفداك

يفداك بأرواحه وأغلى حلاله

وأنا الذي يا دار بالحب والاك

أبوي علمني أرد الجماله

على النقى والطيب هذي مزاياك

على سنا ضوه تبارق دلاله

وختامها وعداد دورات الأفلاك

صلوا على الهادي وصحبه وآله

** **

- البندري بنت عايض ابن عزيز الجياشي الحارثي