يا وطنا دام حنا على قيد الحياه
والله انك في حمانا وفي حرزن متين
من نوانا بالخيانه نبي ندعس علاه
ما علينا من هل الغدر والحقد الدفين
كل من يخطي طريقه يبي يلقى
جزاه نرهق الأخصام ونخلي القاسي يلين
السعودي رافع الراس عالي مستواه
منزله بين الثريا وبين الفرقدين
الوطن غالي وسلمان عينه من وراه
في ذرا الله ثم ذرا الحاكم الحر الأمين
المليك اللي عسى الله يسدد في خطاه
خادم البيتين حافظ حقوق المسلمين
مع ولي العهد عضده عمى عين الطغاه
قاهر العدوان في كل وقت وكل حين
كلبونا حاضرين تحت فية عصاه
لا دعانا واجب الحرب حنا حاضرين
من نوانا بالخيانه نبي نلعن ثواه
ما حسبنا للمجوسي عميل المشركين
الوطن دونه رجال تصونه وتحماه
الله انه يحفظه من شرور الحاقدين
كلنا فدوت ترابه وندفن في ثراه
ترخص الأرواح دون الوطن والمسجدين
الله انه ينصر الحق في كل اتجاه
وينصر اللي في حدود البلاد مرابطين
** **
- سهل بندر المقاطي