بحق من نزل وحي بجبال مكة الشامخات
اللي تكفل بالذبيح واجرى مياه شعابها
بحق من شق القمر وشب قدح الموريات
بحق من ولى علينا من العرب ساداتها
اللي ليا قالوا فعلوا وأفعالهم الصاملات
بوجه قطعان الضباع انيابها ومخلابها
يا آكلين من الجيف لا يا ذرايا النايحات
اللاطمات على القبور العابدين رفاتها
يا جاهلين بكل فعل الا الفعال الماكرات
المعتدين المدبرين من الوغى وحرابها
اللي تجرون الفتن وتهددون مقدسات
و تؤججون حروب ماانتم بكفو ويلاتها
و تساومون ليوثنا وصقورنا والعاديات
اللي الى حمي الوطيس جاوبوا طَلابَها
المقبلين الا على كل الامور الفانيات
اللي بكل عهد صدقوا للمملكة وولاتها
اللي فطمناهم على دم الذياب الضاريات
اسباط بنت ابو بكر وعمر الماخذين اسبابها
المستحين من الردى وشجعان في وجه الممات
الجاهزين بكل وقت اذا دعت حاجاتها
لا ما فطنتوا من نكون لأن منهجكم شتات
واحنا على التوحيد عشنا او شهادتنا بها
تحسبون ان الشجاع اللي يروع آمنات
تحسبون ان الفخر للي حرق ساحاتها
الا تهبون الا تهبون يا مغيَّبين بحثو قات
لا ما يضيع لنا ثأر واحنا حماة ترابها
مهللين مكبرين من نجد لشعاب السراة
مأيدين اخو نورة نعم ومحمد اللي حاطها
ان كان غرٍ ما حبا والا وسيع المنكبات
والا عجوزٍ ذابلة من طفلها لشيابها
تكفين يا الثكلى ازهلي ثارك بياخذه الرماة
اللي مددهم في السما مهيئين آلاتها
اللي باسم الله رموا ما كنهم الا الصافنات
نيرانهم ذات لهب تبت يدي حطابها
ويحرم على جفني الكحل ويحرم على عيني السبات
الين ندحر هالعدو هيهاتها هيهاتها
** **
- ريم بنت عبدالخالق بن كدسه