المملكه شامخه في عز وآماني
يحكيبها المجد والتاريخ يكتبها
أعمارنا لجلها تنساق مجّاني
ياما ارخص ارواحنا من دون واجبها
فالسلم والحرب باهل العزم والشاني
ياما على الطايله سقنا ركايبها
منهاجها العدل والدستور رباّني
وبالخير ربي وبالفزعات واهبها
والحق والصدق للقاصي وللداني
قيادةٍ راسخه من طيب مذهبها
هذي ملاذ العروبه دار الإيماني
من يعرف الله ودينه ما يحاربها
واللّي يبي حربها من ماض الأزماني
دارت عليه الدواير من سبايبها
يامن يرد الخبر في كل ميداني
حنّا هل الحرب لا شبّت شبايبها
يامن بنا المستجير إن علّق العاني
والمعتدي هيبته بالقاع نتربها
ومن لا يحسب الأمور حساب عقلاني
يجي له بحسبةٍ ماهوب حاسبها
يبطي وهو من سبايب فكره يعاني
يدخل بدوّامةٍ سودٍ مصايبها
هذا وطنّا ما هوب لكل قوماني
وقومٍ تهقوى بنا نقصر شواربها
مايحمي الدار غير طوال الأيماني
اللّي تقدّم ولا تهزم كتايبها
** **
- العقيد د. مشعل بن محماس الحارثي