|
| |
عاد عيد المملكة بالسعادة
|
عاد عيد المملكة بالسعادة والسرور |
يا عساها كل عامٍ يعاود عيدها |
لبست عقود الذهب واشتعل للعز نور |
في مدنها .. في قراها وحتى بيدها |
نرفع آيات التهاني .. وباقات الزهور |
للمليك اللي يهين العداء ويكيدها |
ابو متعب قائدٍ ما شجعه واف الشبور |
دارنا بحماه من حيدها .. لحيدها |
والمزايا الطيبه ما لها عد وحكور |
في ملكنا يعجز الفكر عن تعديدها |
ولبو متعب حب مكنون في وسط الصدور |
القلوب المومنة كاسب تاييدها |
ودام عزك يا عضيد الملك صقر الصقور |
ابو خالد سيرته واجبٍ تمجيدها |
طال عمره .. طيب النفس بالطيب مخبور |
عاش حلال الصعيبات من تعقيدها |
والتحية الفاخرة باطيب أنواع العطور |
لابو خالد تهنيه خالصة ونزيدها |
بالثناء. والمدح وتعيش يالليث الجسور |
يا كريم النفس يابو اليتام وسيدها |
قالها مواطن على موطنه دايم غيور |
يا عساها بالسعادة يعاود عيدها |
زهران عون الله المطيري /بريدة
|
|
|
| |
|
