|
| |
جو الربيع
|
مد البساط ولأشقر البن سوّى |
في صحيح خالي من الناس جوه |
ما طبه اللي خلّف آدم وحوى |
عقب السحاب اللي زعج فيه نوّه |
ديّم على العشب وتكامل نموه |
ساق وتساقى لين روي وتروّى |
ينعش عبيره يوم أقطف علوّه |
بسباس.. وخزامى.. وربله.. وحوّى |
قفرٍ به آثار الزواحف تطوّى |
لون الفراش بلون عشبه تموّه |
عيني لها شوف الطبيعة ضروّه |
بيني وبين البر.. صحبه وخوّه |
يبري جروحٍ بين الأضلاع جوّى |
عن واقعٍ منه الفواد يتكوّى |
يدوخك.. قال فلان وفلان سوّى |
وأخير من مجلس عديم المروّه |
في هرجه أما اغتاب والا تبوى |
عبدالرحمن حمدان الصالحي /الرس
|
|
|
| |
|
