يالله ياللي تسجد الناس للرضاه
تغفر لا ميرِِ داخل العود مدفون
راح الامير الي حميده سجاياه
يوم الثلوث اللي به الحشد يبكون
مرحوم يا اميرِِ على الناس حسناه
مدات خيره نفست كل مديون
الله يبيحه كل ما حل طرياه
اقولها من قلب والقلب محزون
انا اشهد انه عز من راح ينخاه
وانا من اللي جوه في يوم ينخون
قام وتزهل مشّرِِ لي بيمناه
فتره وجيزة جاني العلم مضمون
جزل العطايا ما تسوى سواياه
ياما عطى بالسر والناس يدرون
سلطان هو سلطان قايد عرفناه
ابن الملوك اللي على الدين يرسون
هذاك ابو خالد عسى الخلد مثواه
قولوا معي امين تكفون تكفون
لو المنايا تنشرا كان نفداه
الروح ترخص لاجل سلطان وتهون
ما نسى مواقف سيدي يوم جيناه
اثني عليه واكثر الشعب يثنون
يستاهل التمجيد شيخ زبناه
فرج همومِِ كلها سبت ديون
فيه الخصال الطيبه في محياه
راع ابتسامة والكرم فيه مدفون
ابو اليتامى والمعاقين عزاه
يما عطاهم والعطا غير ممنون
نجم تحدى انجوم حنا خسرناه
نجم توارى بس في غمضة عيون
لوا خسارة نجمنا ماله اشباه
فقيدة يا كبرها اليوم وشلون
راح الفقيد اللي على الجيش مغلاه
انا رثيته والعرب فيه يرثون
مير البقا باخوانه اللي حلاياه
اخوان نوره اللي على الخير يسعون
بوجود ابومتعب عسى الله يحماه
هداج تيما اللي له الورد يردون
العهد زاهر والامن فيه ما حلاه
الحاكم العادل له الناس ينصون
الشاعر - خليف بن فهيد المرواني الحربي
