|
| |
كل العواذل
|
اشعل فتيل القاف وابليس ملعون |
في ساحةٍ من حرب جيشه تعاني |
ياهي هوايل من مجانين وجنون |
لعبوا على حبل الدلي والسواني |
فيهم حسد فيهم مشكات وظنون |
فيهم من الشي الدفين الفلاني |
قالوا وأنا مدري وش اللي يقولون |
كلام بالمقلوب عكس المعاني |
أحيان أحس إني من الخلف مطعون |
وأحيان أحس أن السهم ما رماني |
يا ليت عذال المخاليق يدرون |
إن الوفاء طبعي وموطن كياني |
والله لو يدرون بي ما يعودون |
لمعاندي مهما تكون الأماني |
حطمت بسيوف الوفاء هام فرعون |
وارسيت ببحور المودة مواني |
وابدعت بالفكرة وسنيت قانون |
لحروف شعري قبل يظهر بياني |
وإلا يموت ولا يقوله الساني |
يا عاذلي قل للعواذيل بالهون |
بالهون يالعذال قاصي وداني |
ماني من اللي عادته يقبل الدون |
ولا يرتضي بالدون غير الهداني |
شفني اهناك ان كان لك راس وعيون |
متربعاً بايمن سهيل اليماني |
يا عاذلي مهما تقول ويقولون |
كل العواذل قولهم ما رماني |
خلف الأسيد
|
|
|
| |
|
