توبه من الحب وسنين الهوى توبه

والله يزيدك هنا في حبك الثاني

هذا قراري وكل إنسان وأسلوبه

فسر على ما تبي صدى وهجراني

مليت منك الزعل نوبه ورى نوبه

ساعة حزن نشتكي ولا كل الأزماني

ما قدر أعيش العمر مع روح مسلوبه

تصدق أهل الحكي وتكذب الساني

همي وحزني جميع الناس حسوبه

الا أنت يا للأسف تدري وتنساني

من لا وجد بالهوى شفه ومطلوبه

اعز له يبتعد عن ظلم الأحزاني

ما بيني وبينك إلا اقدار مكتوبه

لا تنحرج لو تصادفني وتلقاني

مافيني إلا بقايا نار مشبوبه

تصير بكره رماد وما لها شاني

***

- سعد الخريجي