مرثية في الشيخ عبدالعزيز العجلان (أبوعجلان) - رحمه الله:

بعد ابو عجلان ضيعنا الدليله

ما لقينا الكيف وعلوم الرجالي

كل واحد راح منا في سبيله

بعد جمعتنا على صفر الدلالي

حمل ابو عجلان ماكلٍ يشيله

ما يشيله غير عتلات الجمالي

والجمل يشتالها لو هي ثقيله

ما تهمه لو تجي مثل الجبالي

في ديار الغرب وافعاله جزيله

كاسب الطولات من عمٍ وخالي

وفعلته يرفع بها رأس القبيله

عزوةٍ للمجد في روس العوالي

ماتخفى مثل غيره بالمسيله

والمراجل ماتبي برد الظلالي

كود من عدا على راس الطويله

وشب ناره للكرم في راس عالي

مثل ابو عجلان كساب الجميله

ولايهون اللي وراه من العيالي

ذكرهم مثل المزون المستخيله

بالجنوب وغرب مع شرق وشمالي

صخروا كل الصعاب المستحيله

واسسوا رمزٍ على كل المعالي

** **

مناحي بن عبدالله الحمادي العتيبي - جمهورية التشيك