«الجزيرة» - عبدالعزيز بن سعود المتعب:

الشعر الشعبي الوطني الجزل مُوثِّق الولاء والوفاء واللحمة الوطنية ووحدة الصف والكلمة، وهذا ما تجسِّده القصيدة التالية للواء ركن متقاعد حامد المالكي في مقام مولاي خادم الحرمين الشريفين الملك سلمان بن عبدالعزيز آل سعود -أطال الله عمره وأدام عزَّه- ومقام سيدي صاحب السمو الملكي الأمير محمد بن سلمان بن عبدالعزيز آل سعود -أطال الله عمره وأدام عزَّه- ولي العهد رئيس مجلس الوزراء:

حنا السعوديين والعز بالله

وحنا بعون الله حماة الجزيره

وحنا لنا الاسلام منهج ومله

خدام بيت الله موطن وجيرة

وحنا السعوديين نأبى المذله

وحنا فداء يادار حنا الذخيره

صدق النوايا بالعُلا مستقله

ولا لحقنا شك فعل ومريره

وحنا دواء لكل خاين وعله

يشهق ولا يلقى بعدها زفيره

وحنا شوير اللي مضيّع ندلّه

ونكتم بفعلتها النفوس الشريره

نرقى سما ونعف عن كل زله

لعلنا نلقى في الامر خيره

وحنا كما غيثً كسا الأرض حله

وحنا أمل ملهوف في كل ديره

ونسكت على ضيم الصديق ولعله

يلقى من اسكوت الحليم البصيره

وحنا هدفنا لازم انا نصل له

وندفن حقودً بالردى وسط بيره

وحنا دعاة السلم دايم نجله

والجار يا حظه بنا يا نصيره

ولِله نخون العيش والملح لِله

واللي يعادينا يراجع ضميره

وان دندنت للحرب فالشعب كله

تحت امر مولانا وطاعة اميره