الموضوعات الأكثر
يهز غصن الرجاء نسناس
وانا اجمع الدمع من خده
لازلت أحس بتعب واعماس
يعاود البال من مده
لاباس ياخاطري لاباس
السيف مايجرحه حده
والقلب لولا عليه أقواس
لافز بعروقه تصده
يمديه لاهزه الهوجاس
يشقق الصدر ويقده
لي صاحب ناعم حساس
أغليه بالحيل واوده
يقول لي في حشاه إحساس
مانيب كبره ولا قده
ويقول أحبك وأحس بياس
والأمر ماهوب في يده
قلت آه يالمطرق المياس
من طاري البعد والصده
في عيونه عيونه النعاس
يبني لي الشوق ويهده
والظبي والليل والقرناس
ومالا أقدر أحصيه وأعده
ياليتي اجمع قلوب الناس
أشباه والضد مع ضده
وأحبك إبها بدون قياس
لين العمر ينتهي حده
يازين مافي البعاد أوناس
إن كان لي كفك تمده
عطني لعيني بعدك انعاس
لاتاخذ النوم وتلده
وعطني لنسيانك الأجراس
وقلبي على مهجته رده
وأنا أوعدك وأوعد القرطاس
بالحب في اللين والشده
** **
- نايف صقر